ຮຽນປະລິນຍາຕີຕ່າງປະເທດໃຊ້ເງິນຫຼາຍປານໃດ? ສະຫຼຸບຄ່າໃຊ້ຈ່າຍ 2026-2027 

ພໍ່ແມ່ຫຼາຍທ່ານທີ່ພວກເຮົາໄດ້ໂອ້ປຶກສານໍາ ມັກຈະມີຄຳຖາມຢູ່ສະເໝີວ່າ “ຮຽນຕໍ່ຕ່າງປະເທດໃຊ້ເງິນຫຼາຍປານໃດ?” ຈາກປະສົບການຂອງທີມ i-study ໃນຄວາມເປັນຈິງແລ້ວ ຄຳຕອບທີ່ໃຫ້ໄດ້ແມ່ນບໍ່ມີຕົວເລກດຽວທີ່ຕາຍຕົວເລີຍ ເພາະຄ່າໃຊ້ຈ່າຍຂອງການຮຽນຕໍ່ຕ່າງປະເທດແມ່ນຂຶ້ນກັບຫຼາຍປັດໄຈ ນັບແຕ່ ປະເທດທີ່ຕ້ອງການຮຽນຕໍ່, ເມືອງ, ມະຫາວິທະຍາໄລ, ສາຍວິຊາທີ່ຮຽນ ໄປຈົນຮອດການໃຊ້ຊີວິດຂອງແຕ່ລະຄົນ

ນັກສຶກສາບາງຄົນເລືອກຮຽນຢູ່ໃນເມືອງໃຫຍ່ທີ່ການເດີນທາງສະດວກ ແລະ ມີໂອກາດດ້ານວຽກງານຫຼາຍ ແຕ່ຄ່າຄອງຊີບກໍຈະສູງຕາມໄປນໍາ. ບາງຄົນເລືອກເມືອງທີ່ນ້ອຍລົງມາເຊິ່ງໃຊ້ຊີວິດສະບາຍກວ່າ ແລະ ປະຢັດກວ່າເເບບຊັດເຈນ ໃນຂະນະທີ່ບາງຄົນຕັ້ງເປົ້າຈະໄປຮຽນຢູ່ມະຫາວິທະຍາໄລ Top 50 / Top 100 ເພາະຕ້ອງການພາບລັກທາງວິຊາການ ແລະ ໂອກາດໃນອະນາຄົດ.

ກ່ອນຈະຄຳນວນງົບຕ້ອງເຂົ້າໃຈກ່ອນວ່າຄ່າໃຊ້ຈ່າຍມີຫຍັງແດ່

ຫຼາຍຄອບຄົວມັກຄຳນວນພຽງແຕ່ຄ່າເທິມເປັນຫຼັກ ແຕ່ຄວາມຈິງແລ້ວການຮຽນຕ່າງປະເທດມີຄ່າໃຊ້ຈ່າຍຫຼາຍພາກສ່ວນ ແລະ ແຕ່ລະພາກສ່ວນກໍສົ່ງຜົນຕໍ່ພາບລວມຫຼາຍກວ່າທີ່ຄິດ. ບາງເທື່ອພໍ່ແມ່ອາດຈະຕົກໃຈເມື່ອໄດ້ເຫັນງົບປະມານໂດຍລວມ. ທີມງານ i-study ຈຶ່ງແນະນຳໃຫ້ແຍກການກະກຽມ ໂດຍແບ່ງເປັນງົບກ້ອນໃຫຍ່ຄື ຄ່າຮຽນ ແລະ ເບິ່ງງົບກ້ອນອື່ນໆວ່າສາມາດໃຫ້ພໍ່ແມ່ສົ່ງເງິນແບບລາຍເດືອນເພື່ອເປັນຄ່າເຊົ່າເຮືອນ ແລະ ຄ່າດຳລົງຊີວິດ ເປັນຕົ້ນ.

ປະເທດ ແລະ ເມືອງທີ່ເລືອກຮຽນ

ໃນປະເທດດຽວກັນ ແຕ່ຄົນລະເມືອງ ຄ່າໃຊ້ຈ່າຍອາດແຕກຕ່າງກັນຕໍ່ປີເຊັ່ນ:

• ເມືອງໃຫຍ່ ມັກມີຄ່າທີ່ພັກ ແລະ ຄ່າເດີນທາງສູງ
• ເມືອງຮອງ ມັກປະຢັດກວ່າ ແລະ ໃຊ້ຊີວິດສະບາຍກວ່າ
• ເມືອງເຂດ Regional (ເມືອງນ້ອຍ) ອາດມີຄ່າເຊົ່າທີ່ພັກຖືກກວ່າຫຼາຍ

ຕົວຢ່າງທີ່ເຫັນໄດ້ຊັດເຈນຄື ລອນດອນແພງກວ່າເມືອງອື່ນໃນສະຫະລາຊະອານາຈັກ, ຊິດນີແພງກວ່າຫຼາຍເມືອງໃນອອສເຕຣເລຍ ແລະ ນິວຢອກແພງກວ່າຫຼາຍລັດໃນສະຫະລັດອາເມຣິກາ.

ຈາກປະສົບການ ການຊ່ວຍຈັດຫາດ້ານທີ່ພັກກັບນ້ອງໆນັກຮຽນຂອງ i-study, ຄ່າທີ່ພັກໃນຕົວເມືອງເມວເບີນຕ້ອງໃຊ້ງົບປະມານ 1,000 USD ຕໍ່ເດືອນ ໃນຂະນະທີ່ໃນເມືອງເພີດ ຄ່າທີ່ພັກເລີ່ມຕົ້ນທີ່ 540 USD ຕໍ່ເດືອນ ໃນລະດັບຄຸນນະພາບຊີວິດທີ່ໃກ້ຄຽງກັນ ເຊັ່ນ ຄວາມກວ້າງຂອງຫ້ອງ ແລະ ໄລຍະທາງໄປຈົນຮອດມະຫາວິທະຍາໄລ. ດັ່ງນັ້ນ ຄ່າທີ່ພັກກໍເປັນໜຶ່ງປັດໃຈທີ່ສຳຄັນຫຼາຍ.

ສົມທຽບຄ່າຄອງຊີບ 20 ເມືອງທີ່ນິຍົມ (City Index Table)

ຈາກປະສົບການຂອງທີມ i-study ແລະ ຂໍ້ມູນອອນລາຍຈາກແຫຼ່ງຕ່າງໆ ພວກເຮົາໄດ້ລວບລວມຂໍ້ມູນສຳລັບ 20 ເມືອງທີ່ນິຍົມຂອງນ້ອງໆ ມາເພື່ອເປັນຂໍ້ມູນອ້າງອີງຕາມລຸ່ມນີ້ (ໂດຍກຳນົດໃຫ້ New York ມີດັດຊະນີຢູ່ທີ່ 100)

🇺🇸 ສະຫະລັດອາເມຣິກາ (USA) – ເມືອງສຳລັບນັກສຶກສາ

ເມືອງ	ດັດຊະນີຄ່າໃຊ້ຈ່າຍ	ຄ່າໃຊ້ຈ່າຍຕໍ່ເດືອນ(ດອນລ້າສະຫະລັດ)	ລະດັບຄ່າໃຊ້ຈ່າຍ
New York	100	1,950 – 2,700	ສູງຫຼາຍ
Los Angeles	85 – 90	1,650– 2,450	ສູງຫຼາຍ
Chicago	70 – 75	1,350 – 1,950	ສູງ

🇬🇧 ລາຊະອານາຈັກອັງກິດ (UK) – ເມືອງສຳລັບນັກສຶກສາ

ເມືອງ	ດັດຊະນີຄ່າໃຊ້ຈ່າຍ	ຄ່າໃຊ້ຈ່າຍຕໍ່ເດືອນ(ດອນລ້າສະຫະລັດ)	ລະດັບຄ່າໃຊ້ຈ່າຍ
London	95 – 100	1,800 – 2,700	ສູງຫຼາຍ
Manchester	70 – 75	1,350 – 1950	ສູງ
Leeds	65 – 70	1,250 – 1,800	ປານກາງ
Birmingham	65 – 70	1,250 – 1,800	ປານກາງ

🇦🇺 ອອສເຕຣເລຍ (Australia) – ເມືອງສຳລັບນັກສຶກສາ

ເມືອງ	ດັດຊະນີຄ່າໃຊ້ຈ່າຍ	ຄ່າໃຊ້ຈ່າຍຕໍ່ເດືອນ(ດອນລ້າສະຫະລັດ)	ລະດັບຄ່າໃຊ້ຈ່າຍ
Sydney	90 – 95	1,735 – 2,550	ສູງຫຼາຍ
Melbourne	85 – 90	1,645 – 2,450	ສູງ
Brisbane	80 – 85	1,550 – 2,335	ສູງ
Adelaide	70 – 75	1,350 – 1,950	ປານກາງ
Perth	75 – 80	1,437 – 2,100	ປານກາງ
Regional Cities	60 – 70	1,135 – 1,800	ຕໍ່າ

🇨🇦 ການາດາ (Canada) – ເມືອງສຳລັບນັກສຶກສາ

ເມືອງ	ດັດຊະນີຄ່າໃຊ້ຈ່າຍ	ຄ່າໃຊ້ຈ່າຍຕໍ່ເດືອນ(ດອນລ້າສະຫະລັດ)	ລະດັບຄ່າໃຊ້ຈ່າຍ
Toronto	85 – 90	1,650 – 2,450	ສູງ
Vancouver	85 – 90	1,650 – 2,450	ສູງ
Montreal	70 – 75	1,250 – 1,950	ປານກາງ

🇳🇿 ນິວຊີແລນ (New Zealand) – ເມືອງສຳລັບນັກສຶກສາ

ເມືອງ	ດັດຊະນີຄ່າໃຊ້ຈ່າຍ	ຄ່າໃຊ້ຈ່າຍຕໍ່ເດືອນ(ດອນລ້າສະຫະລັດ)	รລະດັບຄ່າໃຊ້ຈ່າຍ
Auckland	80 – 85	1,550 – 2,335	ສູງ
Wellington	75 – 80	1,430 – 2,150	ປານກາງ-ສູງ
Christchurch	70 – 75	1,350 – 1950	ປານກາງ

🇸🇬 ສິງກະໂປ(Singapore) – ເມືອງສຳລັບນັກສຶກສາ

ເມືອງ	ດັດຊະນີຄ່າໃຊ້ຈ່າຍ	ຄ່າໃຊ້ຈ່າຍຕໍ່ເດືອນ(ດອນລ້າສະຫະລັດ)	ລະດັບຄ່າໃຊ້ຈ່າຍ
Singapore	95 – 100	1,800 – 2,700	ສູງຫຼາຍ

ມະຫາວິທະຍາໄລທີ່ເລືອກຮຽນ

ມະຫາວິທະຍາໄລຊັ້ນນຳ ຫຼື ກຸ່ມ Top 100 ມັກມີຄ່າເທີມທີ່ສູງກວ່າ ດ້ວຍເຫດຜົນດ້ານຊື່ສຽງຂອງມະຫາວິທະຍາໄລ, ຊັບພະຍາກອນທາງວິຊາການ, ເງິນອຸດໜູນການຄົ້ນຄວ້າ ແລະ ການແຂ່ງຂັນໃນການຮັບເຂົ້າສຶກສາສູງກວ່າ.

ກໍລະນີທີ່ພວກເຮົາມັກພົບເລື້ອຍໆ ຄືນ້ອງໆ ຫຼື ພໍ່ແມ່ຢາກໃຫ້ຮຽນຢູ່ມະຫາວິທະຍາໄລ Top 50 ຫຼື Top 100 ໂດຍຍອມປ່ຽນຈາກສາຍວິຊາທີ່ຢາກຮຽນທີ່ສຸດໄປເປັນສາຍວິຊາທີ່ຮອງລົງມາເພື່ອໃຫ້ໄດ້ເຂົ້າມະຫາໄລຊື່ດັງ.  ເຊິ່ງພວກເຮົາມັກຈະບໍ່ແນະນຳ ເພາະການເລືອກວິຊາຮຽນ ຄວນຈະເປັນວິຊາທີ່ມັກທີ່ສຸດ ເພາະຈະກ່ຽວຂ້ອງອາຊີບທີ່ນ້ອງໆໄດ້ເລືອກໄວ້.

ດັ່ງນັ້ນ ການຮຽນມະຫາວິທະຍາໄລທ໊ອບບໍ່ໄດ້ໝາຍຄວາມວ່າຄຸ້ມຄ່າທີ່ສຸດສະເໝີໄປ ແລະ ບໍ່ໄດ້ໝາຍຄວາມວ່າມະຫາວິທະຍາໄລອັນດັບຮອງລົງມາຈະບໍ່ດີ. ບາງຄັ້ງມະຫາວິທະຍາໄລທີ່ບໍ່ຢູ່ໃນ Top 100 ແຕ່ມີຫຼັກສູດທີ່ກົງກັບເປົ້າໝາຍກວ່າ, ໄດ້ໂອກາດຝຶກຝົນຄຽງຄູ່ກັບທິດສະດີ ແລະ ຄ່າໃຊ້ຈ່າຍຕ່ຳກວ່າ ກັບເໝາະກັບນັກສຶກສາຫຼາຍຄົນ ແລະ ໃນຫຼາຍລາຍວິຊາຫຼາຍກວ່າ.

ຕົວຢ່າງເຊັ່ນ RMIT University ໃນເມືອງເມວເບີນ ປະເທດອອສເຕຣເລຍ (ອັນດັບ QS World Ranking ປີ 2027: ອັນດັບທີ 119) ເຖິງວ່າຈະບໍ່ໄດ້ຢູ່ໃນກຸ່ມ Top 100 ແຕ່ເປັນມະຫາວິທະຍາໄລທີ່ມີ Industry connection ສູງຫຼາຍ ແລະ ເນັ້ນການເຮັດໂປຣເຈັກຮ່ວມກັນກັບອົງກອນຕ່າງໆ ເຮັດໃຫ້ນັກສຶກສາທີ່ຮຽນສຳເລັດຈາກ RMIT ມັກຈະໄດ້ວຽກເຮັດໄວ ແລະ ໄດ້ເງິນເດືອນດີຫຼາຍ.

ສາຍວິຊາທີ່ຮຽນ

ສາຍວິຊາຮຽນກໍມີຜົນຕໍ່ຄ່າໃຊ້ຈ່າຍໂດຍກົງເຊັ່ນກັນ:

• ສາຍບໍລິຫານທຸລະກິດ, ການຕະຫຼາດ, ນິເທດສາດ – ມັກມີຄ່າໃຊ້ຈ່າຍປານກາງ
• ສາຍວິທະຍາສາດ, ວິສະວະກຳ, IT ຫຼື ສາຍທີ່ຕ້ອງໃຊ້ Lab – ມັກມີຄ່າໃຊ້ຈ່າຍສູງ
• ສາຍແພດ, ໝໍແຂ້ວ ຫຼື ສຸຂະພາບສະເພາະທາງ – ມັກມີຄ່າໃຊ້ຈ່າຍສູງຫຼາຍ

ສະຫຼຸບຄ່າເທິມ ປ.ຕີ ຕ່າງປະເທດໂດຍສະເລ່ຍຕໍ່ປີ

ພວກເຮົາທີມງານ i-study ໄດ້ສະຫຼຸບຄ່າເທີມໂດຍປະມານໃນປີ 2026-2027  ເຊິ່ງເປັນພາບລວມຄ່າເທິມສະເລ່ຍຂອງມະຫາວິທະຍາໄລລະດັບປະລິນຍາຕີໃນປະເທດທີ່ນິຍົມ ສຳລັບສາຍວິຊາທົ່ວໄປ ບໍ່ລວມສາຍແພດ ຫຼື ຫຼັກສູດທີ່ມີຄ່າໃຊ້ຈ່າຍສະເພາະທາງສູງເປັນພິເສດ.

ປະເທດ	ໄລຍະເວລາຮຽນ ປ.ຕີ	ຄ່າເທິມສະເລ່ຍຕໍ່ປີ
ອອສເຕຣເລຍ	3–4 ປີ	24,000 – 36,000 ດອນລາສະຫະລັດ
ລາຊະອານາຈັກອັງກິດ	3 ປີ	22,450 – 44,900 ດອນລາສະຫະລັດ
ສະຫະລັດອາເມຣິກາ	4 ປີ	26,950 – 54,000 ດອນລາສະຫະລັດ
ການາດາ	4 ປີ	17,950 – 32,950 ດອນລາສະຫະລັດ
ນິວຊີແລນ	3 ປີ	19,500 – 26,950 ດອນລາສະຫະລັດ
ສິງກະໂປ	2 ປີ	26,950 – 29,950 ດອນລາສະຫະລັດ
ເອີຣົບ (ຮັງກາຣີ, ສະວີເດັນ, ອອສເຕຣຍ)	3 ປີ	12,000 – 14,970 ດອນລາສະຫະລັດ

ຕົວເລກນີ້ເປັນຂໍ້ມູນກວ້າງໆ ເພື່ອຊ່ວຍໃຫ້ນ້ອງໆເຫັນພາບລວມກ່ອນຕັດສິນໃຈເລືອກຮຽນເພາະໃນຄວາມເປັນຈິງຄ່າເທິມຂອງແຕ່ລະມະຫາວິທະຍາໄລອາດມີຄວາມແຕກຕ່າງກັນຫຼາຍ.

ອອສເຕຣເລຍ — ນ້ອງໆຂອງ i-study ສ່ວນຫຼາຍໄປສຶກສາຕໍ່ຢູ່ປະເທດອອສເຕຣເລຍ ໂດຍອອສເຕຣເລຍຍັງເປັນໜຶ່ງໃນປະເທດທີ່ນັກສຶກສານິຍົມຫຼາຍ ເພາະລະບົບການສຶກສາມີຄຸນນະພາບສູງ ແລະ ມີຫຼາກຫຼາຍທາງເລືອກທັງເມືອງໃຫຍ່ ແລະ ເມືອງຮອງ ໂດຍປະລິນຍາຕີໃຊ້ເວລາຮຽນ 3 ປີ ນັກສຶກສາສາມາດເຮັດວຽກພິເສດໄດ້ປະມານ 24 ຊມ. ຕໍ່ອາທິດ ເຊິ່ງສາມາດຄອບຄຸມຄ່າໃຊ້ຈ່າຍສ່ວນຕົວໄດ້.

ລາຊະອານາຈັກອັງກິດ — ພໍ່ແມ່ຫຼາຍທ່ານເລືອກ UK ເຖິງວ່າຄ່າເທິມຕໍ່ປີຈະສູງກວ່າ ເພາະລູກສາມາດຮຽນຈົບໄດ້ພາຍໃນ 3 ປີ ເຮັດໃຫ້ຄ່າໃຊ້ຈ່າຍລວມບາງຄັ້ງໃກ້ຄຽງກັບປະເທດທີ່ຮຽນ 4 ປີ ໂດຍສະເພາະໃນລອນດອນ ຫຼື ມະຫາວິທະຍາໄລຊື່ດັງ ແຕ່ເມື່ອເບິ່ງລຶກລົງໄປ ໃນອັງກິດມີຫຼາກຫຼາຍມະຫາວິທະຍາໄລໃນຫຼາຍເມືອງທີ່ທີມງານ i-study ຂອງພວກເຮົາແນະນຳໃຫ້ນັກສຶກສາໃນດ້ານຂອງທຶນສ່ວນຫຼຸດ ເຮັດໃຫ້ຄ່າຮຽນເຫຼືອພຽງປະມານ USD 18,000ຕໍ່ປີ. ນ້ອງໆຫຼາຍຄົນມັກ UK ເພາະຈົບໄວ ແລະ ພາບລັກດີ ນັກສຶກສາສາມາດເຮັດວຽກເສີມໄດ້ປະມານ 20 ຊມ. ຕໍ່ອາທິດ.

ນິວຊີແລນ — ນິວຊີແລນເໝາະກັບນັກສຶກສາທີ່ຕ້ອງການສະພາບແວດລ້ອມທີ່ສະຫງົບ, ປອດໄພ ແລະ ບໍ່ຢາກແບກຮັບຄ່າຄອງຊີບທີ່ສູງເກີນໄປ ໂດຍການຮຽນປະລິນຍາຕີຈະເປັນການຮຽນ 3 ປີ ແລະ ສາມາດເຮັດວຽກຕໍ່ໃນນິວຊີແລນໄດ້ຫຼັງຈາກຮຽນຈົບ. ຫຼາຍຄົນເບິ່ງວ່ານິວຊີແລນເປັນປະເທດທີ່ໃຊ້ຊີວິດງ່າຍ ແລະ ຄ່າໃຊ້ຈ່າຍໂດຍລວມບໍ່ແຮງເກີນໄປເມື່ອທຽບກັບບາງປະເທດທີ່ນິຍົມກັນຫຼາຍກວ່າ. ນັກສຶກສາສາມາດເຮັດວຽກພິເສດໄດ້ປະມານ 25 ຊມ. ຕໍ່ອາທິດ.

ເອີຣົບ ເຊັ່ນ ຮັງກາຣີ, ສະວີເດັນ, ອອສເຕຣຍ — ເອີຣົບກຳລັງໄດ້ຮັບຄວາມສົນໃຈຈາກນ້ອງໆນັກສຶກສາ i-study ຫຼາຍຂຶ້ນ ເພາະຫຼາຍປະເທດມີຫຼັກສູດປະລິນຍາຕີພາສາອັງກິດທີ່ໃຊ້ເວລາຮຽນພຽງ 3 ປີ ແລະ ມີຄ່າໃຊ້ຈ່າຍທີ່ຄຸ້ມຄ່າເມື່ອທຽບກັບປະເທດທີ່ເປັນທີ່ນິຍົມອື່ນໆ ໂດຍສະເພາະຮັງກາຣີ, ອອສເຕຣຍ ແລະ ສະວີເດັນທີ່ມີຄຸນນະພາບການສຶກສາດີ ແລະ ໄດ້ຮັບການຍອມຮັບໃນລະດັບສາກົນ. ນອກຈາກນັ້ນ ນັກສຶກສາຍັງມີໂອກາດສຳຜັດວັດທະນະທຳທີ່ຫຼາກຫຼາຍ ແລະ ເດີນທາງທ່ອງທ່ຽວໃນເອີຣົບໄດ້ສະດວກ ເຮັດໃຫ້ເປັນອີກໜຶ່ງທາງເລືອກທີ່ໜ້າສົນໃຈສຳລັບຄອບຄົວທີ່ກຳລັງຫາຄວາມຄຸ້ມຄ່າທັງດ້ານການສຶກສາ ແລະ ງົບປະມານ.

ຖ້າເບິ່ງເປັນ “ງົບລວມຕະຫຼອດຫຼັກສູດ” ຕ້ອງກະກຽມເທົ່າໃດ?

ຂໍ້ມູນນີ້ມັກຈະເປັນຂໍ້ມູນທີ່ພໍ່ແມ່ມັກສອບຖາມເພື່ອໃຊ້ໃນການກະກຽມ ເເລະ ຕົວເລກລວມເເບບນີ້ມັກຊ່ວຍໃຫ້ຕັດສິນໃຈໄດ້ງ່າຍກວ່າ ເພາະເຫັນພາບວ່າພໍ່ເເມ່ຈະຕ້ອງຕຽມງົບປະມານເທົ່າໃດໃນການຮຽນ.

ປະເທດ	ງົບລວມໂດຍປະມານຕະຫຼອດຫຼັກສູດ
ອອສເຕຣເລຍ (3 ປີ)	104,000 – 180,000  ດອນລາສະຫະລັດ
ລາຊະອານາຈັກອັງກິດ (3 ປີ)	105,000 – 194,500 ດອນລາສະຫະລັດ
ສະຫະລັດອາເມຣິກາ (4 ປີ)	179,500 – 359,000  ດອນລາສະຫະລັດ
ການາດາ (4 ປີ)	119,500 – 209,500  ດອນລາສະຫະລັດ
ນິວຊີແລນ (3 ປີ)	90,000 – 144,000  ດອນລາສະຫະລັດ
ສິງກະໂປ (2 ປີ)	90,000 – 120,000  ດອນລາສະຫະລັດ
ເອີຣົບ (ຮັງກາຣີ, ສະວີເດັນ, ອອສເຕຣຍ) (3 ປີ)	74,850 – 90,000 ດອນລາສະຫະລັດ

ຄ່າຄອງຊີບຕ່າງປະເທດທີ່ຄວນກະກຽມໄວ້

ນອກຈາກຄ່າຮຽນ ປ.ຕີ ຕ່າງປະເທດແລ້ວ ອີກພາກສ່ວນທີ່ສຳຄັນຫຼາຍຄື ຄ່າຄອງຊີບຕ່າງປະເທດ ເຊິ່ງມັກເປັນຄ່າໃຊ້ຈ່າຍທີ່ເກີດຂຶ້ນທຸກເດືອນ.

ໂດຍທົ່ວໄປຄວນກະກຽມງົບໄວ້ປະມານ 12,000 – 24,000 ດອນລ້າສະຫະລັດ ຕໍ່ປີ ຂຶ້ນກັບເມືອງ, ຮູບແບບທີ່ພັກ ແລະ ພຶດຕິກຳການໃຊ້ຊີວິດຂອງນັກສຶກສາ.

ຄ່າໃຊ້ຈ່າຍຫຼັກໃນຊີວິດປະຈຳວັນ

• ຄ່າທີ່ພັກ — ຫຼາຍຄົນຄິດວ່າການຮຽນຢູ່ Sydney ແພງກວ່າ Brisbane ພຽງໜ້ອຍດຽວ ແຕ່ໃນຄວາມເປັນຈິງ ຄ່າເຊົ່າອາດແຕກຕ່າງກັນຫຼາຍກວ່າ 600 ດອນລ້າສະຫະລັດ ຕໍ່ເດືອນ
• ຄ່າອາຫານ — ຈາກປະສົບການ ພວກເຮົາມັກແນະນຳໃຫ້ນ້ອງໆຮຽນແຕ່ງກິນເອງແບບງ່າຍໆ ເພື່ອຈະໄດ້ກິນອາຫານລົດຊາດທີ່ຖືກປາກ. ນ້ອງໆບາງຄົນບໍ່ຢາກແຕ່ງກິນເອງ ພວກເຮົາມັກແນະນຳໃຫ້ໄປເຮັດວຽກເສີມຢູ່ຮ້ານອາຫານ ເຊິ່ງຈະໄດ້ອາຫານມາກິນຢູ່ເຮືອນຟຣີອີກດ້ວຍ
• ຄ່າເດີນທາງ — ການຢູ່ຫໍພັກໃນມະຫາວິທະຍາໄລຈະປະຢັດຄ່າເດີນທາງທີ່ສຸດ ແລະ ດີໃນຊ່ວງປັບຕົວເມື່ອເລີ່ມຮຽນພາກຮຽນທຳອິດ ແຕ່ນ້ອງໆບາງຄົນອາດຈະບໍ່ມັກ ເພາະບໍ່ອິດສະຫຼະເທົ່າທີ່ຄວນ
• ອື່ນໆ ຄ່າໂທລະສັບ ແລະ ອິນເຕີເນັດ, ຄ່າອຸປະກອນການຮຽນ, ຄ່າໃຊ້ຈ່າຍສ່ວນຕົວ

ທີ່ພັກແບບໃດປະຢັດກວ່າ

1) ຫໍພັກໃນມະຫາວິທະຍາໄລ 

ຂໍ້ດີຄືສະດວກ ແລະ ປອດໄພ ເໝາະກັບນັກສຶກສາປີທຳອິດ ແຕ່ໂດຍທົ່ວໄປຈະມີລາຄາສູງກວ່າທີ່ພັກແບບອື່ນ ໂດຍສະເພາະຖ້າເປັນທີ່ພັກແບບມີການບໍລິການອາຫານ ນອກຈາກບາງມະຫາວິທະຍາໄລ ເຊັ່ນ Murdoch University ປະເທດອອສເຕຣເລຍ ທີ່ຄ່າທີ່ພັກລວມຄ່ານ້ຳຄ່າໄຟ ອິນເຕີເນັດ ປະມານ 600 USD ເທົ່ານັ້ນ.

2) ຫໍພັກນອກ / ແຊຣ໌ເຮືອນ 

ເປັນທາງເລືອກທີ່ນັກສຶກສາຕ່າງປະເທດນິຍົມຫຼາຍ ເພາະຊ່ວຍຫຸຼດຄ່າໃຊ້ຈ່າຍໄດ້ພໍສົມຄວນ ແລະ ຍັງໃຫ້ອິດສະຫຼະຫຼາຍຂຶ້ນ

3) Homestay

ເໝາະກັບຄົນທີ່ຢາກປັບຕົວໄວ, ຝຶກພາສາ ແລະ ຢາກມີຄົນເບິ່ງເເຍງເລື່ອງພື້ນຖານບາງຢ່າງ ເຊັ່ນ ອາຫານ, ອິນເຕີເນັດ ໃນຊ່ວງທຳອິດ
H3:ອາຫານ ແລະ ການເດີນທາງ ເມື່ອໄປຮຽນຕໍ່ຕ່າງປະເທດ

ໃນກໍລະນີທີ່ນັກສຶກສາສາມາດແຕ່ງກິນເອງໄດ້ ຈະເຮັດໃຫ້ຄ່າໃຊ້ຈ່າຍດ້ານອາຫານຫຼຸດລົງຫຼາຍ. ຈາກປະສົບການຂອງພວກເຮົາ ນ້ອງໆຫຼາຍຄົນທີ່ໄປຮຽນ ແລະ ກິນອາຫານນອກເຮືອນ ຈະພົບວ່າການຊື້ກິນເອງທຸກມື້ເຮັດໃຫ້ມີການໃຊ້ງົບປະມານສູງຫຼາຍ ໂດຍຄ່າອາຫານຕໍ່ເດືອນອາດສູງເຖິງ 2-3 ເທົ່າຈາກນັກສຶກສາທີ່ແຕ່ງກິນເອງ.

ສ່ວນການເດີນທາງນັ້ນ ຫາກເລືອກທີ່ພັກໃກ້ມະຫາວິທະຍາໄລ ຫຼື ຢູ່ໃນເມືອງທີ່ລະບົບຂົນສົ່ງສາທາລະນະດີ ກໍຊ່ວຍປະຢັດໄດ້ຫຼາຍເຊັ່ນກັນ.

ຄ່າໃຊ້ຈ່າຍແບບແອບແຝງອື່ນໆ ທີ່ຫຼາຍຄົນມັກລືມ

ເວລາກະກຽມງົບຮຽນຕໍ່ ຄົນສ່ວນໃຫຍ່ເຖິງຄ່າເທິມ ແລະ ຄ່າຫໍ ແຕ່ຍັງມີຄ່າໃຊ້ຈ່າຍອີກຫຼາຍຢ່າງທີ່ຄວນກະກຽມໄວ້ແຕ່ຕົ້ນ.

ຄ່າໃຊ້ຈ່າຍກ່ອນເດີນທາງ

• ຄ່າສະໝັກມະຫາວິທະຍາໄລ
• ຄ່າສອບເສັງພາສາອັງກິດ ເຊັ່ນ IELTS ຫຼື PTE
• ຄ່າເຮັດໜັງສືຜ່ານແດນ
• ຄ່າທຳນຽມວີຊ່າ
• ຄ່າກວດສຸຂະພາບ
• ຄ່າປະກັນສຸຂະພາບ
• ຄ່າປີ້ຍົນ
• ຄ່າມັດຈຳທີ່ພັກ
• ຄ່າໃຊ້ຈ່າຍມື້ເດີນທາງ ແລະ ການຕັ້ງໂຕຊ່ວງທຳອິດ

ລວມແລ້ວຄ່າໃຊ້ຈ່າຍກ່ອນເດີນທາງອາດຢູ່ປະມານ 1,500 – 6,000 ດອນລ້າສະຫະລັດ ແລ້ວແຕ່ປະເທດ ແລະ ຈຳນວນມະຫາວິທະຍາໄລທີ່ສະໝັກ.

ຄ່າໃຊ້ຈ່າຍອື່ນໆ ທີ່ແນະນຳໃຫ້ກະກຽມໄວ້ນຳ

• ປຶ້ມຮຽນ
• ໂນດບຸກ ຫຼື ອຸປະກອນທີ່ມະຫາວິທະຍາໄລກຳນົດ
• ເຄື່ອງນຸ່ງສຳລັບອາກາດໜາວ
• ຄ່າເດີນທາງກັບປະເທດລາວຊ່ວງປິດພາກຮຽນ
• ເງິນສຳຮອງສຸກເສີນ

ຮຽນຢູ່ມະຫາວິທະຍາໄລ Top 50 / Top 100 ໃຊ້ເງິນຫຼາຍກວ່າແທ້ບໍ່?

ຄຳຕອບຄື ສ່ວນຫຼາຍ “ແມ່ນ” ນ້ອງໆ ແລະ ພໍ່ແມ່ຫຼາຍຄົນທີ່ວາງແຜນຮຽນ ປ.ຕີ ຕ່າງປະເທດ ມັກຢາກໄປຮຽນຢູ່ມະຫາວິທະຍາໄລ Top 50 / Top 100 ເພາະເບິ່ງວ່າເປັນບັນທັດຖານທາງພາບລັກໃນອະນາຄົດ, ໂອກາດການຮຽນຕໍ່ໃນອະນາຄົດ ແລະ ໂອກາດໃນການເຮັດວຽກທີ່ດີ. 

ໂດຍທົ່ວໄປມະຫາວິທະຍາໄລ Top 100 ຂອງໂລກ ມັກມີຄ່າໃຊ້ຈ່າຍໃນການຮຽນສູງກວ່າ:

• ຄ່າເທິມສູງຂຶ້ນປະມານ 20–60%
• ເມືອງທີ່ຕັ້ງມະຫາວິທະຍາໄລມັກເປັນເມືອງໃຫຍ່
• ຄ່າຄອງຊີບໃນເມືອງເຫຼົ່ານັ້ນສູງກວ່າ
• ການແຂ່ງຂັນເຂົ້າສຶກສາສູງກວ່າ

ພາບລວມຄ່າໃຊ້ຈ່າຍຂອງມະຫາວິທະຍາໄລ Top 50 / Top 100 ຂອງໂລກ (ໂດຍປະມານ):

• ສະຫະລັດອາເມຣິກາ: 45,000 – 93,000 ດອນລ້າສະຫະລັດຕໍ່ປີ
• ລາຊະອານາຈັກອັງກິດ: 39,000 – 75,000 ດອນລ້າສະຫະລັດຕໍ່ປີ
• ອອສເຕຣເລຍ: 36,000 – 60,000 ດອນລ້າສະຫະລັດຕໍ່ປີ

ມະຫາວິທະຍາໄລ Top 100 ຂອງໂລກ ຄຸ້ມກັບເງິນທີ່ຈ່າຍແທ້ບໍ່?

ເມື່ອເວົ້າເຖິງການຮຽນຕໍ່ຕ່າງປະເທດ ຫຼາຍຄອບຄົວມັກຕັ້ງເປົ້າໝາຍໄວ້ທີ່ “ມະຫາວິທະຍາໄລ Top 100 ຂອງໂລກ” ເພາະເຊື່ອວ່າຊື່ສຽງຂອງສະຖາບັນຈະຊ່ວຍເພີ່ມໂອກາດໃນການເຮັດວຽກ ແລະ ສ້າງຄວາມໄດ້ປຽບໃນອະນາຄົດ ເຊິ່ງໃນຫຼາຍກໍລະນີກໍເປັນຄວາມຈິງ ໂດຍສະເພາະໃນສາຍວິຊາທີ່ມີການແຂ່ງຂັນສູງ ເຊັ່ນ ການເງິນ (Finance), ວິສະວະກຳສາດ (Engineering), ວິທະຍາສາດຄອມພິວເຕີ (Computer Science) ຫຼື ສາຍວິຊາທີ່ຕ້ອງການເຄືອຂ່າຍສິດເກົ່າທີ່ເຂັ້ມແຂງ.

ແນວໃດກໍຕາມ ຈາກປະສົບການຂອງທີມ i-study ພວກເຮົາພົບວ່າການເລືອກມະຫາວິທະຍາໄລບໍ່ຄວນເບິ່ງພຽງອັນດັບ (Ranking) ຢ່າງດຽວ ແຕ່ຄວນພິຈາລະນາຄວາມຄຸ້ມຄ່າໃນການລົງທຶນ ຫຼື Return on Investment (ROI) ນຳກັນ.

ຕົວຢ່າງເຊັ່ນ ຫາກມະຫາວິທະຍາໄລ Top 100 ມີຄ່າໃຊ້ຈ່າຍລວມຕະຫຼອດຫຼັກສູດປະມານ 180,000-240,000 USD ໃນຂະນະທີ່ມະຫາວິທະຍາໄລອັນດັບ 150-300 ທີ່ມີຄຸນນະພາບການຮຽນການສອນດີ, ມີໂອກາດຝຶກງານ ແລະ ໄດ້ຮັບການຍອມຮັບຈາກນາຍຈ້າງ ອາດມີຄ່າໃຊ້ຈ່າຍລວມພຽງ 90,000-150,000 USD ຄວາມແຕກຕ່າງຂອງຄ່າໃຊ້ຈ່າຍອາດສູງເຖິງ 60,000-90,000 USD.

ໃນຫຼາຍກໍລະນີ ນາຍຈ້າງບໍ່ໄດ້ພິຈາລະນາສະເພາະຊື່ມະຫາວິທະຍາໄລ ແຕ່ຍັງໃຫ້ຄວາມສຳຄັນກັບຜົນການຮຽນ, ປະສົບການຝຶກງານ, ທັກສະການສື່ສານ ແລະ ປະສົບການການເຮັດວຽກເເທ້ລະຫວ່າງຮຽນນຳອີກ. ນັກສຶກສາທີ່ຮຽນຢູ່ມະຫາວິທະຍາໄລທີ່ມີໂຄງການຝຶກງານ (Internship) ຫຼື Work Placement ທີ່ເຂັ້ມແຂງ ເຊິ່ງມະຫາວິທະຍາໄລສ່ວນຫຼາຍເຫຼົ່ານີ້ບໍ່ໄດ້ຢູ່ໃນກຸ່ມ Top 100. ນ້ອງໆອາດໄດ້ຮັບໂອກາດເຮັດວຽກໄວກວ່ານັກສຶກສາທີ່ຈົບຈາກມະຫາວິທະຍາໄລທີ່ມີອັນດັບສູງກວ່າກໍ່ໄດ້.

ທັງນີ້ບໍ່ໄດ້ໝາຍຄວາມວ່າມະຫາວິທະຍາໄລ Top 100 ບໍ່ຄຸ້ມຄ່າ ເພາະສຳລັບບາງຄອບຄົວທີ່ມີເປົ້າໝາຍເຮັດວຽກກັບອົງກອນລະດັບໂລກ, ບໍລິສັດຕ່າງຊາດ ຫຼື ສຶກສາຕໍ່ໃນລະດັບທີ່ສູງຂຶ້ນ ໂດຍສະເພາະການຮຽນປະລິນຍາໂທໃນຮູບແບບການເຮັດການຄົ້ນຄວ້າ ການລົງທຶນໃນການສຶກສາກັບມະຫາວິທະຍາໄລຊັ້ນນຳອາດສ້າງຜົນຕອບແທນໃນໄລຍະຍາວທີ່ຄຸ້ມຄ່າໄດ້ເຊັ່ນກັນ.

ດັ່ງນັ້ນຄຳຖາມທີ່ສຳຄັນອາດບໍ່ໄດ້ແມ່ນ “ຄວນເລືອກມະຫາວິທະຍາໄລ Top 100 ຫຼືບໍ່?” ແຕ່ຄວນຖາມວ່າ “ມະຫາວິທະຍາໄລນັ້ນເໝາະກັບເປົ້າໝາຍ, ອາຊີບ ແລະ ງົບປະມານຂອງເຮົາຫຼືບໍ່?” ເພາະມະຫາວິທະຍາໄລທີ່ດີທີ່ສຸດສຳລັບເຮົາ ອາດບໍ່ແມ່ນມະຫາວິທະຍາໄລທີ່ມີອັນດັບສູງທີ່ສຸດສະເໝີໄປ ແຕ່ເປັນມະຫາວິທະຍາໄລທີ່ຊ່ວຍໃຫ້ນັກສຶກສາໄປເຖິງເປົ້າໝາຍໄດ້ຢ່າງຄຸ້ມຄ່າທີ່ສຸດ.

ມີງົບປະມານຕໍ່ປີຈຳນວນນີ້ ຮຽນປະລິນຍາຕີໃນປະເທດໃດໄດ້ແດ່?

ງົບປະມານໜ້ອຍກວ່າ 30,000 USD ຕໍ່ປີ

• ສະວີເດັນ
• ຮັງກາຣີ
• ອອສເຕຣຍ

ງົບປະມານປະມານ 30,000-60,000 USD ຕໍ່ປີ

• ນິວຊີແລນ
• ອອສເຕຣເລຍ
• ການາດາບາງເມືອງ
• ສິງກະໂປ

ງົບປະມານປະມານ 60,000-90,000 USD ຕໍ່ປີ

• ອອສເຕຣເລຍ (ເມືອງໃຫຍ່)
• UK ລາຊະອານາຈັກ / ອັງກິດ

ງົບປະມານຕັ້ງແຕ່ 90,000 ຂຶ້ນໄປຕໍ່ປີ

• ສະຫະລັດອາເມຣິກາ
• UK ມະຫາວິທະຍາໄລຊື່ດັງ
• ມະຫາວິທະຍາໄລ Top 100 ໃນເມືອງໃຫຍ່

ໄລຍະກາງປີທີ່ຜ່ານມາ ພວກເຮົາມີແມ່ທ່ານໜຶ່ງຕິດຕໍ່ເຂົ້າມາປຶກສາທີມງານ i-study ວ່າຕ້ອງການໃຫ້ນ້ອງໆ 2 ຄົນໄປຮຽນຕໍ່ ໂດຍມີງົບຄົນລະບໍ່ເກີນ 135.0000 USD ສາມາດໄປຮຽນຢູ່ມະຫາວິທະຍາໄລຂອງປະເທດໃດໄດ້ແດ່ ໂດຍຈາກງົບປະມານ ພວກເຮົາໄດ້ວິເຄາະ ແລະ ສົ່ງທາງເລືອກໃຫ້ແມ່ ທັງການຮຽນຕໍ່ອັງກິດ (UK), ຮຽນຕໍ່ອອສເຕຣເລຍ ແລະ ຮຽນຕໍ່ນິວຊີແລນ ໂດຍເຖິງວ່າການຮຽນຢູ່ອັງກິດ (UK) ເບິ່ງຄືຈະເປັນໄປໄດ້ຍາກດ້ານງົບປະມານ ແຕ່ເມື່ອພວກເຮົາໄດ້ເບິ່ງພາບລວມແລ້ວ ທີມງານໄດ້ນຳສະເໜີມະຫາວິທະຍາໄລທີ່ມີທຶນການສຶກສາ, ການຢູ່ຫໍແບບ twin-bed / shared room ແລະ ການທີ່ນ້ອງໆສາມາດດູແລຕົນເອງໄດ້ດ້ານອາຫານ.

ທຶນຮຽນຕໍ່ ປ.ຕີ ຊ່ວຍຫຸຼດຄ່າໃຊ້ຈ່າຍໄດ້ຫຼາຍປານໃດ?

ອີກໜຶ່ງສິ່ງທີ່ມີຄົນຖາມມາຕະຫຼອດຄື ທຶນຮຽນຕໍ່ ປ.ຕີ.

ທຶນການຮຽນຕໍ່ໃນລະດັບປະລິນຍາຕີສຳລັບນັກສຶກສາຕ່າງຊາດອາດບໍ່ໄດ້ມີຈຳນວນເທົ່າລະດັບໂທ ແຕ່ກໍມີທຶນທີ່ຊ່ວຍຫຸຼດຄ່າໃຊ້ຈ່າຍໄດ້ແທ້ ເຊັ່ນ ທຶນສຳລັບນັກສຶກສາຈາກຕ່າງປະເທດ, ທຶນສຳລັບນັກສຶກສາທີ່ຮຽນດີ ເປັນຕົ້ນ.

ໂດຍທຶນສ່ວນຫຼາຍຈະຢູ່ໃນຮູບແບບຫຸຼດຄ່າເທິມ 10–50% ແລະ ບາງກໍລະນີອາດຫຼາຍກວ່ານັ້ນສຳລັບນັກສຶກສາທີ່ມີໂປຣໄຟລ໌ດີ. ຈາກປະສົບການຂອງພວກເຮົາ i-study ພວກເຮົາຈະແນະນຳທຶນໃຫ້ນ້ອງໆໃນທຸກກໍລະນີ ຕົວຢ່າງເຊັ່ນ ໃນອອສເຕຣເລຍມັກຈະມີທຶນສ່ວນຫຼຸດປະມານ 20-35% ໃນຫຼາຍມະຫາວິທະຍາໄລ ເຊັ່ນ ມະຫາວິທະຍາໄລ Deakin ມີທຶນສ່ວນຫຼຸດທີ່ສາມາດຫຸຼດຄ່າໃຊ້ຈ່າຍໄດ້ສູງສຸດປີລະ 12,000 USD (ທຶນ 50%) ຫຼື ໃນອະດີດ ນັກສຶກສາປະລິນຍາຕີຈາກ i-study ໄດ້ຮັບທຶນສ່ວນຫຼຸດ 70% ຈາກ Swinburne University of Technology ໃນເມືອງເມວເບີນ ເຮັດໃຫ້ຄ່າຮຽນຫຸຼດລົງເຫຼືອພຽງປະມານ 6,000 USD ຕໍ່ປີເທົ່ານັ້ນ.

ຄວາມເຂົ້າໃຈຜິດທີ່ພົບເຫັນເລື້ອຍໆກ່ຽວກັບການຮຽນຕໍ່ຕ່າງປະເທດ

ນ້ອງໆ ແລະ ພໍ່ແມ່ຫຼາຍຄົນທີ່ເລີ່ມຫາຂໍ້ມູນ ເຊັ່ນ ການຖາມພີ່ນ້ອງ ຫຼື ຄົນຮູ້ຈັກ ມັກພົບຄວາມຄິດແບບເກົ່າຢູ່ສະເໝີ ເຊັ່ນ:

“ຮຽນຕ່າງປະເທດຕ້ອງລ້ຳລວຍຫຼາຍເທົ່ານັ້ນ” ຈາກປະສົບການການເຮັດວຽກກວ່າ 10 ປີ ເລື່ອງນີ້ບໍ່ເເມ່ນຄວາມຈິງສະເໝີໄປ ເພາະການເລືອກປະເທດ, ເມືອງ ແລະ ມະຫາວິທະຍາໄລຢ່າງເໝາະສົມ ຊ່ວຍຄວບຄຸມງົບປະມານໄດ້ຫຼາຍກວ່າທີ່ຄິດ. ພວກເຮົາມີນ້ອງໆຈາກຄອບຄົວທີ່ເປັນຊົນຊັ້ນກາງໄປຮຽນຕໍ່ຜ່ານພວກເຮົາຈຳນວນຫຼາຍ ໂດຍພວກເຮົາພູມໃຈຫຼາຍທີ່ໄດ້ມີໂອກາດໃຫ້ຄຳປຶກສາເລື່ອງການວາງແຜນທາງການເງິນແກ່ພໍ່ແມ່ຫຼາຍທ່ານ ພວກເຮົາໄດ້ໃຫ້ພໍ່ແມ່ຮູດບັດເຄຣດິດໃນເບື້ອງຕົ້ນ ແລະ ວາງແຜນການປ່ຽນຄຳເປັນເງິນ.

“ເຮັດວຽກເສີມແລ້ວຈ່າຍຄ່າເທິມໄດ້” ໃນຄວາມເປັນຈິງຄື ວຽກເສີມມັກຊ່ວຍໄດ້ສະເພາະຄ່າຄອງຊີບ ຫຼື ຄ່າໃຊ້ຈ່າຍນ້ອຍໆ ບໍ່ໄດ້ຄອບຄຸມຄ່າເທິມກ້ອນໃຫຍ່ທັງໝົດ. ຈາກທີ່ທີມງານ i-study ຂອງພວກເຮົາໄດ້ເບິ່ງເເຍງນ້ອງໆສ່ວນໜຶ່ງ ນ້ອງໆທີ່ເຮັດວຽກເພື່ອຈ່າຍຄ່າເທິມໄດ້ສຳເລັດຈະມີ 2 ກໍລະນີ ຄື ນ້ອງກຸ່ມທີ່ມີຄ່າເທີມຢ່າງໜ້ອຍຄຶ່ງໜຶ່ງຂອງຄ່າຮຽນທັງໝົດ ແລະ ນ້ອງກຸ່ມທີ່ມີຄູ່ແຕ່ງງານທີ່ຊ່ວຍເຮັດວຽກເຕັມເວລາ ໃນຂະນະທີ່ນ້ອງນັກສຶກສາເຮັດວຽກເສີມລະຫວ່າງຮຽນ.

“ຕ້ອງຮຽນ Top 100 ເທົ່ານັ້ນຈຶ່ງຄຸ້ມ” ບໍ່ເເມ່ນສະເໝີໄປ ເພາະບາງເທື່ອມະຫາວິທະຍາໄລທີ່ເໝາະກັບງົບ ແລະ ສາຍວິຊາ ອາດໃຫ້ຜົນລັບດີກວ່າໃນຊີວິດຈິງ ເຊັ່ນ ມະຫາວິທະຍາໄລກຸ່ມທ໊ອບ 5 ຂອງອອສເຕຣເລຍ ມັກຈະມີອັດຕາການໄດ້ວຽກໜ້ອຍກວ່າຫຼັງຮຽນຈົບ (ການເຮັດການຄົ້ນຄວ້າ ຈະເປັນການສອບຖາມຫຼັງຮຽນຈົບ 6 ເດືອນ).

“ຄ່າໃຊ້ຈ່າຍມີພຽງຄ່າເທີມກັບຄ່າຫໍ” ຄວາມຈິງແລ້ວຄ່າໃຊ້ຈ່າຍແບບແອບແຝງມີຜົນຫຼາຍ ເຊັ່ນ ຄ່າເດີນທາງລະຫວ່າງປະເທດ ແລະ ຖ້າບໍ່ກະກຽມໄວ້ແຕ່ຕົ້ນ ອາດເຮັດໃຫ້ງົບເກີນໄດ້ງ່າຍ.

ໃຫ້ i-study ຊ່ວຍວາງແຜນງົບປະມານ ແລະ ການຮຽນຕໍ່ຂອງນັກສຶກສາ

ການຮຽນຕໍ່ຕ່າງປະເທດເປັນການລົງທຶນກ້ອນໃຫຍ່ຂອງຄອບຄົວ ແລະ ຍິ່ງວາງແຜນໄດ້ໄວເທົ່າໃດ ກໍຍິ່ງມີໂອກາດເລືອກທາງທີ່ຕ້ອງການ ແລະ ຄຸ້ມຄ່າໄດ້ຫຼາຍຂຶ້ນເທົ່ານັ້ນ. ພວກເຮົາມັກແນະນຳໃຫ້ວາງແຜນ ແລະ ສະໝັກ 1-1.5 ປີກ່ອນເລີ່ມຮຽນ.

ທີມທີ່ປຶກສາຂອງ i-study ພ້ອມຊ່ວຍທ່ານວິເຄາະງົບປະມານຈິງ, ແນະນຳປະເທດ ແລະ ມະຫາວິທະຍາໄລທີ່ເໝາະກັບເປົ້າໝາຍ ລວມເຖິງຊ່ວຍເບິ່ງເລື່ອງທຶນການສຶກສາ ແລະ ການສະໝັກຮຽນຢ່າງເປັນລະບົບ.

ຄຳຖາມທີ່ເຫັນຕະຫຼອດ

ຖາມ : ຮຽນຕໍ່ຕ່າງປະເທດໃຊ້ເງິນທັງໝົດຈັກບາດ? ຕອບ : ໂດຍສະເລ່ຍປະມານ 90,000-180,000 USD ສຳລັບຫຼັກສູດປະລິນຍາຕີ ແຕ່ຕົວເລກເເທ້ຂຶ້ນກັບປະເທດ, ເມືອງ ແລະ ມະຫາວິທະຍາໄລທີ່ເລືອກ.

ຖາມ : ຄ່າຮຽນ ປ.ຕີ ຕ່າງປະເທດ ປະເທດໃດຄຸ້ມທີ່ສຸດ? ຕອບ : ນິວຊີແລນ, ອອສເຕຣເລຍ ແລະ ການາດາບາງເມືອງ ມັກເປັນທາງເລືອກທີ່ຄຸ້ມຄ່າເມື່ອທຽບຄ່າໃຊ້ຈ່າຍກັບຄຸນນະພາບຊີວິດ ອີກທັງມີ Post Study Work Visa ທີ່ໃຫ້ໂອກາດນັກສຶກສາໃນການເຮັດວຽກຕໍ່ໃນປະເທດນັ້ນໆ ແລະ ມີລາຍຮັບທີ່ດີຫຼາຍຫຼັງຮຽນຈົບ.

ຖາມ : ງົບ 90,000 USD ພໍຮຽນຕໍ່ຕ່າງປະເທດບໍ່? ຕອບ : ພໍສຳລັບຫຼາຍປະເທດ ແລະ ຫຼາຍມະຫາວິທະຍາໄລ ໂດຍສະເພາະຖ້າເລືອກເມືອງຮອງ ຫຼື ມີທຶນການສຶກສາຊ່ວຍ ເຊັ່ນ ທາງທີມ i-study ເຄີຍແນະນຳການຮຽນທີ່ JCU Brisbane ທີ່ມີທຶນການສຶກສາສຳລັບການຮຽນດ້ານທຸລະກິດສູງເຖິງ 35% (2026) ໂດຍຈາກຄ່າຮຽນປົກກະຕິທີ່ບໍ່ສູງ ແລະ ຢູ່ໃນເມືອງທີ່ມີໂອກາດເຮັດວຽກຫຼາຍ (ບຣິສເບນ) ເຮັດໃຫ້ນ້ອງໆສາມາດປະຢັດງົບປະມານໄດ້ຫຼາຍກວ່າ 9,000 USD ຕໍ່ປີ ເມື່ອທຽບກັບມະຫາວິທະຍາໄລອື່ນໆໃນອອສເຕຣເລຍ.

ຖາມ : ຕ້ອງມີເງິນສຳຮອງເທົ່າໃດກ່ອນຍື່ນວີຊາ? ຕອບ : ຂຶ້ນກັບປະເທດ ແລະ ເງື່ອນໄຂຂອງແຕ່ລະບ່ອນ ແຕ່ໂດຍທົ່ວໄປຄວນມີເງິນສຳຮອງພຽງພໍສຳລັບຄ່າເທິມ, ຄ່າຄອງຊີບ 1 ປີ ແລະ ຄ່າໃຊ້ຈ່າຍກ່ອນເດີນທາງ.

ຖາມ : ເຮັດວຽກເສີມຊ່ວຍຈ່າຍຄ່າຮຽນໄດ້ບໍ່? 

ຕອບ : ຊ່ວຍໄດ້ໃນສ່ວນຄ່າຄອງຊີບ ແລະ ຄ່າໃຊ້ຈ່າຍປະຈຳວັນ ແຕ່ບໍ່ຄວນໃຊ້ເປັນແຫຼ່ງຫຼັກໃນການຈ່າຍຄ່າເທິມທັງໝົດ.