ຢາກໄປຮຽນຕ່າງປະເທດຕ້ອງກຽມໂຕແນວໃດ?

ການໄປຮຽນຕ່າງປະເທດເປັນຄວາມຝັນຂອງນັກຮຽນ ແລະ ນັກສຶກສາຫຼາຍຄົນ ເພາະມັນເປັນໂອກາດໃນການພັດທະນາຄວາມຮູ້, ພັດທະນາພາສາ, ແລະ ເປີດປະສົບການໃໝ່ໆໃນຊີວິດ. ແຕ່ກ່ອນຈະກ້າວໄປສູ່ຈຸດນັ້ນ ການກຽມຄວາມພ້ອມເປັນສິ່ງທີ່ສຳຄັນຫຼາຍ.

ໃນ blog ນີ້ ພວກເຮົາຈະມາເບິ່ງກັນວ່າ ຖ້າຢາກໄປຮຽນຕ່າງປະເທດ ຄວນກຽມໂຕແນວໃດແດ່?

1. ກຳນົດເປົ້າໝາຍໃຫ້ຊັດເຈນ

ກ່ອນອື່ນໝົດ ເຮົາຄວນຮູ້ກ່ອນວ່າ:

• ຢາກໄປຮຽນປະເທດໃດ?
• ຢາກໄປຮຽນພາສາ ຫຼື ຢາກຮຽນສາຂາຫຍັງ?
• ລະດັບໃດ? (High School, Diploma, Bachelor, Master, PhD)

ການກຳນົດເປົ້າໝາຍຈະຊ່ວຍໃຫ້ເຮົາວາງແຜນໄດ້ຖືກທາງ ແລະ ບໍ່ເສຍເວລາ.

2. ກຽມພາສາໃຫ້ພ້ອມ

ພາສາແມ່ນກະແຈສຳຄັນໃນການໄປຮຽນຕ່າງປະເທດ. ສ່ວນໃຫຍ່ຈະໃຊ້: IELTS, TOEFL, PTE ຫຼື ການສອບເສັງພາສາຂອງແຕ່ລະປະເທດ. ການເລີ່ມຝຶກພາສາໄວໆ ຈະເຮັດໃຫ້ເຮົາມີໂອກາດໄດ້ຄະແນນດີ ແລະ ເລືອກໂຮງຮຽນໄດ້ຫຼາກຫຼາຍຂຶ້ນ.

3. ກຽມເອກະສານໃຫ້ຄົບ

ເອກະສານແມ່ນສິ່ງທີ່ຂາດບໍ່ໄດ້ ເຊັ່ນ:

• Passport
• Transcript ແລະ Certificate
• CV / Resume
• Personal Statement
• Recommendation Letter

ການກຽມເອກະສານໃຫ້ພ້ອມລ່ວງໜ້າ ຈະຊ່ວຍຫຼຸດຄວາມກັງວົນເລື່ອງໄລຍະເວລາ, ຄວາມລ່າຊ້າ ແລະ ປ້ອງກັນຄວາມຜິດພາດ.

4. ວາງແຜນດ້ານການເງິນ

ການໄປຮຽນຕ່າງປະເທດມີຄ່າໃຊ້ຈ່າຍຫຼາຍດ້ານ:

• ຄ່າຮຽນ
• ຄ່າທີ່ພັກ
• ຄ່າອາຫານ
• ຄ່າເດີນທາງ
• ຄ່າປະກັນ

ການວາງແຜນລ່ວງໜ້າ ແລະ ຮູ້ລາຍຈ່າຍຈະຊ່ວຍໃຫ້ເຮົາບໍ່ປະສົບບັນຫາພາຍຫຼັງ.

5. ມີທີມງານມືອາຊີບຄອຍແນະນຳ (Agency)

ການກຽມໂຕເພື່ອໄປຮຽນຕ່າງປະເທດອາດຈະເບິ່ງເປັນເລື່ອງຍາກ ແລະ ຊັບຊ້ອນ ສຳລັບນ້ອງໆຫຼາຍຄົນ. ແຕ່ຄວາມຈິງແລ້ວ ຂັ້ນຕອນເຫຼົ່ານີ້ຈະງ່າຍຂຶ້ນຫຼາຍ ຖ້າມີເອເຈນຊີ້ທີ່ໜ້າເຊື່ອຖື ແລະ ພ້ອມໃຫ້ຄຳແນະນຳຢ່າງຈິງໃຈ.

Agency ບໍ່ແມ່ນພຽງແຕ່ຄົນຊ່ວຍສົ່ງເອກະສານ ແຕ່ແມ່ນທີມທີ່ຄອຍເບິ່ງແຍງນ້ອງໆທຸກຂັ້ນຕອນ ນັບແຕ່:

• ການປຶກສາເລືອກສາຍການຮຽນ ແລະ ປະເທດທີ່ເໝາະສົມ
• ການກະກຽມ ແລະ ກວດເຊັກເອກະສານ
• ການກຽມໂຕກ່ອນເດີນທາງ
• ການໃຫ້ຄຳແນະນຳເມື່ອໄປຮອດປະເທດປາຍທາງ
• ແລະ ການດູແລຕະຫຼອດເວລາທີ່ຮຽນຢູ່ ຈົນກວ່າຈະຮຽນຈົບ

ການມີ Agency ທີ່ໃສ່ໃຈ ແລະ ເຂົ້າໃຈນ້ອງໆ ຈະຊ່ວຍຫຼຸດຄວາມກັງວົນ ແລະ ເຮັດໃຫ້ເສັ້ນທາງການໄປຮຽນຕ່າງປະເທດຮາບລື່ນຂຶ້ນຫຼາຍ.

6. ກຽມໃຈໃຫ້ພ້ອມ

ການໄປຢູ່ຕ່າງປະເທດບໍ່ໄດ້ມີແຕ່ຄວາມສະດວກ. ອາດຈະມີ:

• ຄວາມຄິດຮອດບ້ານ
• ຄວາມແຕກຕ່າງດ້ານວັດທະນະທຳ
• ຄວາມກົດດັນຈາກການຮຽນ

ການກຽມໃຈ ແລະ ມີທັດສະນະທີ່ດີ ຈະຊ່ວຍໃຫ້ເຮົາຜ່ານທຸກອຸປະສັກໄປໄດ້.

ສະຫຼຸບ

ການໄປຮຽນຕ່າງປະເທດບໍ່ແມ່ນເລື່ອງຍາກ ຖ້າເຮົາຮູ້ຈັກກຽມຕົວໃຫ້ດີ ແລະ ມີຄົນທີ່ພ້ອມຊ່ວຍເຫຼືອໃນທຸກຂັ້ນຕອນ. ຕັ້ງແຕ່ການກຳນົດເປົ້າໝາຍ, ການກຽມພາສາ, ການກະກຽມເອກະສານ, ການວາງແຜນຊີວິດ ແລະ ການກຽມໃຈ.

ຖ້ານ້ອງໆກຳລັງຝັນຢາກໄປຮຽນຕ່າງປະເທດ ແຕ່ຍັງບໍ່ແນ່ໃຈວ່າຈະເລີ່ມຈາກຈຸດໃດ, ການມີ Agency ທີ່ໜ້າເຊື່ອຖື ແລະ ໃຫ້ຄຳແນະນຳຢ່າງຈິງໃຈ ຈະເຮັດໃຫ້ທຸກຢ່າງງ່າຍຂຶ້ນຫຼາຍ.